O pasado Xoves 23 de Abril os nenos e nenas de Infantil, Primeiro e Segundo conmemoraron o Día do Libro dun xeito moi especial!. Os pequenos e pequenas do cole foron ata o Auditrio de Cangas para asistir á obra de teatro "A toupiña que quería saber..." e xuntos/as disfrutaron, cantaron e riron coas ocorrencias da pequena toupa, á que lle fixeran algo na cabeza, e cos seus compañeiros/as de función (a pomba, a vaca, o cabalo ...).
Visita ao centro de Xavier Blanco e Romina para preparar co alumnado de terceiro e cuarto a xornada de convivencia cos usuarios/as de Afamo que se levará a cabo na carballeira de San Martiño no mes de maio. Ese día crearemos xuntos un maio e cantaremos a cantiga inventada na aula nesta xornada.
O pasado mércores tivo lugar unha nova edición do certame de Regueifa co alumnado de 5º de primaria dos centros de ensino de Moaña.
O alumnado de 5º de Primaria fixo un contacontos en inglés para o alumnado de 2º e 3º ciclo. Elixiron o conto “A bigger family”, porque lles gustou moito e ademais a súa autora é a súa mestra Olalla González.
Este conto narra como o pequeno coello espera impaciente a chegada dun novo membro da familia, preguntando deseguido cando nacerá.
A mestra Olalla cóntanos en primeira persoa como xurdiu a idea de escribir este conto.
Encantounos 😍.
A finais de marzo, dende o equipo de biblioteca, organizouse unha actividade moi divertida na que participou todo o alumnado. Tratábase dunha busca de ovos por todo o centro, seguindo diferentes pistas que nos ían guiando cara onde tiñamos que ir. Para poder avanzar, tivemos que pensar, fixarnos ben e traballar en equipo. Pouco a pouco fomos superando as pistas ata chegar ao noso obxectivo final: atopar o cofre con ovos.
Foi unha actividade chea de emoción, sorpresas e moitas risas.
