Non houbo mellor xeito de arrincar o curso que cun Festival de Artistas!
O primeiro día transformamos o cole nun gran escenario con 7 estacións artísticas. Por grupos o alumnado foi rotando e tocoulles facer de todo: bailaríns, malabaristas, equilibristas, acróbatas e ata magos ou prestidixitadores.
Risas, creatividade e moitísimo talento para un inicio de curso que foi todo un éxito.
Maika e Lara visitáronnos a semana pasada para contarnos contos. A verdade que o pasamos xenial. Encántanos que as familias veñan compartir con nós á hora da lectura.
https://biblioaguia.blogspot.com/2026/11/familias-lectoras-en-educacion-infantil.html
O alumnado de infantil e primaria converteuse en experto en consumo responsable grazas ao obradoiro “En Samaín con sumo coidadín”, celebrado do venres 16 de outubro e ofertado dende A CONSELLERÍA DE EDUCACIÓN.
A través de contos, xogos e manualidades, aprendemos a elixir disfraces seguros, que indiquen a composición, que non sexan inflamables ou que non conteñan pezas pequenas.
Os máis pequenos gozaron con Cabaciña quere disfrazarse e fixeron a súa cabaza. 1º e 2º cazaron os 7 erros de Samaín e deseñaron máscaras e de 3º a 6º convertéronse en inspectores de etiquetas.
Foi unha mañá de moito medo e moita aprendizaxe!
Os nenos e nenas de primero e segundo tiveron un obradoiro moi especial. Andrea P., Lorena e Andrea axudáronnos a preparar unha manualidade de Samaín relacionada co noso Proxecto de A Guía Titiriteira. Con moita paciencia e agarimo ensinaronnos como facer uns simpáticos monicreques de bruxas que agora decoran as nosas aulas e que levaremos para casa no Samaín.
Deixámosvos o enlace do noso blog de biblioteca para que lle votedes un ollo ao traballo realizado polo alumnado de infantil no obradoiro dos mércores.
https://biblioaguia.blogspot.com/2026/10/inventando-historias.html
