CEIP A Guía

viernes, 5 de junio de 2026

lunes, 1 de junio de 2026

" Día da familia "

O venres 15 de maio celebramos no colexio o Día da Familia e convidamos ás familias a participar con nós nunha gynkana.

Esta gynkana consistía en realizar diferentes xogos polo patio.

Todo o mundo tiña que participar en todos os xogos, así que alumnado e familias dirixidos polo profesorado, participaron en dúas roldas de sete xogos cada unha.

A variedade de xogos (xogos de auga, colaborativos, de destreza...) puxeron a nota de diversión nun día de convivencia que non esqueceremos.

Ao acabar a gynkana merendamos todos xuntos no patio.

domingo, 31 de mayo de 2026

" Obradoiro de corresponsabilidade "

O alumnado de 3º e 4º participaron o pasado xoves 28 de maio nun taller de corresponsabilidade que se realizou na biblioteca do centro.

A modo do de ximcana e distribuidos en pequenos grupos tiñan que levar a cabo as seguintes tarefas do fogar: coser, varrer, aparafusar, facer a cama, tender a roupa, cambiar unha lámpada ou cambiar un cueiro.

O obxectivo desde taller (ofertado polo concello de Moaña ),foi ensinar a distribuir de forma equitativa as tarefas do fogar.

" Visita do concello "

O alumnado de 4º realizou unha interesante visita guiada ao Concello de Moaña da man da concelleira de educación, Dolo, quen lles explicou con moita proximidade e entusiasmo o funcionamento das diferentes dependencias municipais.

Durante a visita, os nenos e nenas puideron coñecer espazos como o arquivo, os despachos ou o salón de plenos, pero sen dúbida, o momento máis emocianante foi a entrada nos calabozos.

Foi unha experiencia moi enriquecedora e divertida, na que o noso alumnado aprendeu moitas cousas sobre o seu concello e a labor das personas que traballan nel.